خیبر پختونخوا میں سی ٹی ڈی کی کارروائی،کالعدم ٹی ٹی پی کا دہشتگرد ہلاک

 

خیبر پختونخوا میں کاؤنٹر ٹیررازم ڈیپارٹمنٹ نے کارروائی کے دوران کالعدم ٹی ٹی پی سے تعلق رکھنے والا دہشتگرد حماد ظاہر ہلاک کر دیا۔

حکام کے مطابق سی ٹی ڈی مردان ریجن اور نوشہرہ پولیس نے مشترکہ طور پر علاقے غائبانہ بابا میں سرچ اینڈ اسٹرائیک آپریشن کیا، جس دوران فائرنگ کا تبادلہ ہوا۔

سی ٹی ڈی کا کہنا ہے کہ ہلاک دہشتگرد کا تعلق ٹی ٹی پی کے انتخاب عالم گروپ سے تھا اور وہ کانسٹیبل مقصود کی ٹارگٹ کلنگ میں ملوث تھا۔ مزید بتایا گیا کہ وہ قتل، اقدام قتل اور بھتہ خوری سمیت کئی سنگین مقدمات میں مطلوب تھا۔