شارجہ سے جعلی برطانوی ویزوں پر 5 پاکستانی ڈی پورٹ

 

لاہور: شارجہ سے جعلی برطانوی ویزوں کے ذریعے سفر کرنے کی کوشش کرنے والے 5 پاکستانیوں کو ڈی پورٹ کر دیا گیا۔

ایف آئی اے کے ترجمان کے مطابق ڈی پورٹ مسافروں کو لاہور ائیرپورٹ پر پہنچتے ہی حراست میں لے لیا گیا۔ بتایا گیا کہ ملزمان رواں سال وزٹ ویزے کے تحت لاہور سے ملائیشیا گئے تھے اور بعد میں جعلی دستاویزات کے ذریعے برطانیہ جانے کی کوشش کر رہے تھے۔

ترجمان کا کہنا تھا کہ ملزمان نے ایجنٹوں کی مدد سے جعلی ویزے حاصل کیے، جس پر انہیں شارجہ سے پاکستان واپس بھیج دیا گیا۔ ڈی پورٹ ہونے کے بعد ملزمان کو انسداد انسانی اسمگلنگ سرکل میں منتقل کیا گیا ہے اور ان سے تفتیش جاری ہے۔