گھریلو صارفین کو صبح 5بجے سے رات 10بجے تک بلا تعطل گیس فراہمی کی ہدایت

 

اسلام آباد: وزیراعظم شہباز شریف نے موسم سرما کے دوران گھریلو صارفین کو بلا تعطل گیس فراہمی کو یقینی بنانے کی ہدایت کر دی ہے۔

وفاقی وزیر برائے پیٹرولیم علی پرویز ملک نے قومی اسمبلی اجلاس میں بتایا کہ وزیراعظم نے ہدایت کی ہے کہ گھریلو صارفین کو صبح 5 بجے سے رات 10 بجے تک مسلسل گیس فراہم کی جائے۔

علی پرویز ملک نے کہا کہ رواں سال پچھلے سال کے مقابلے میں گیس لوڈ شیڈنگ میں واضح کمی دیکھنے میں آئی ہے، تاہم جہاں بھی گیس پریشر کا مسئلہ ہو، اس کی نشاندہی کی جائے تاکہ فوری طور پر حل کیا جا سکے۔

انہوں نے مزید بتایا کہ نومبر میں 80 سے 90 ہزار شکایات موصول ہوئیں، جن میں سے 70 سے 80 فیصد اوگرا کے حوالہ سے تھیں اور ان میں سے بیشتر کو 36 گھنٹوں کے اندر حل کر دیا گیا۔