ڈاکٹر وردا کی پوسٹ مارٹم کے بعد تدفین کر دی گئی

ایبٹ آباد: اغوا کے بعد قتل کی گئی ڈاکٹر وردا کی پوسٹ مارٹم کے بعد تدفین کر دی گئی۔

ڈاکٹر وردا کی نماز جنازہ میں اہلخانہ، رشتہ داروں اور شہریوں کی بڑی تعداد نے شرکت کی۔ لاش مقتولہ کی دوست اور کرائے کے قاتل کی نشاندہی پر ٹھنڈیانی کے جنگل سے برآمد ہوئی۔

پولیس کے مطابق ڈاکٹر وردا نے 67 تولے سونا اپنی دوست کے پاس بطور امانت رکھا ہوا تھا، جسے ہتھیانے کے لیے دوست نے کرائے کے قاتلوں کے حوالے کیا۔ مرکزی ملزمہ کی نشاندہی پر اجرتی قاتل سمیت 3 ملزمان گرفتار کر لیے گئے ہیں، جبکہ مرکزی ملزم فرار ہو گیا ہے۔

ڈاکٹرز ایسوسی ایشن نے احتجاج کرتے ہوئے کہا کہ پولیس بروقت کارروائی کرتی تو لیڈی ڈاکٹر کی جان بچ سکتی تھی۔