کوئٹہ میں بلدیاتی انتخابات ملتوی کرنے کی صوبائی حکومت کی درخواستیں مسترد

کوئٹہ :  الیکشن کمیشن نے سابقہ الیکشن شیڈول برقرار رکھتے ہوئے کوئٹہ میں بلدیاتی انتخابات ملتوی کرنے کی صوبائی حکومت کی درخواستیں مسترد کردیں۔

نجی ٹی وی کے مطابق الیکشن کمیشن نے بلوچستان میں بلدیاتی انتخابات سےمتعلق درخواستوں پرفیصلہ سنادیا،جاری فیصلے میں کہاگیا ہےکہ انتخابات مؤخرکرنےکی وجوہات قانونی طورپرقابل قبول نہیں۔ پولنگ 28 دسمبرکو ہی ہوگی۔

فیصلےمیں کہاگیاکہ حالات وواقعات کےباوجودآئینی ذمہ داری پوری کرناضروری ہے،کوئٹہ میں بلدیاتی حلقہ بندیوں کاعمل 2مرتبہ مکمل کیاجاچکا ہے،اعتراضات کافیصلہ بھی ہوچکا،ہائیکورٹ بھی درخواستیں خارج کرچکا۔

الیکشن کمیشن نےمؤقف اختیارکیا کہ آئین کے تحت بلدیاتی انتخابات مؤخر کرنا ممکن نہیں،سپریم کورٹ کہہ چکی کہ انتخابی معاملات پرحکم دینا ہمارا دائرہ اختیار ہے،صوبائی حکومت کی رکاوٹیں آئین کی خلاف ورزی کے مترادف ہوں گی۔

الیکشن کمیشن نےدونوں درخواستیں مسترد، الیکشن کمیشن نے بلدیاتی انتخابی شیڈول برقرار رکھا, الیکشن کمیشن نے فیصلہ صوبائی حکومت، گورنر اور تمام اداروں کو ارسال کر دیا۔

ممبر بلوچستان شاہ محمدجتوئی کا اکثریتی فیصلے سے اختلاف کہاسردی کےباعث لوگ ہجرت کرجاتے ہیں، امن و امان کی صورتحال  بھی بہتر نہیں۔

5 رکنی بینچ  کےرکن شاہ محمدجتوئی نےاکثریتی فیصلے سےاختلاف کیا،شاہ محمد جتوئی نے کوئٹہ بلدیاتی انتخابات سے متعلق اختلافی نوٹ جاری کیا،اختلافی نوٹ کے مطابق حد بندی،ووٹر لسٹ اور مدت پر اکثریتی فیصلے سے متفق ہوں،دسمبر کے سخت موسم میں ٹرن آؤٹ کم رہنے کا امکان ہے، سردی میں کوئٹہ کےشہری دیگر اضلاع کو ہجرت کرجاتے ہیں،بلوچستان میں امن و امان انتخابات کیلئے موزوں نہیں،28 دسمبر کے انتخابات مؤخر کرنے کی رائے سامنے آئی،انتخابات موسم اور امن و امان بہتر ہونے تک ملتوی ہونے چاہئیں۔

وزیراعلیٰ بلوچستان اورگورنر بلوچستان نے انتخابات مؤخر کرنے کی سفارش کی تھی،خیال رہے کہ الیکشن شیڈول کےمطابق کوئٹہ میں بلدیاتی انتخابات 28 دسمبر کو شیڈول ہیں۔