خیبر پختونخوا اسمبلی، لیگی رکن صوبیہ شاہد آرمی چیف کی تصویر لے آئیں

پشاور: خیبر پختونخوا اسمبلی کے اجلاس میں مسلم لیگ ن کی رکن صوبیہ شاہد  چیف آف آرمی اسٹاف و  چیف آف ڈیفنس فورسز فیلڈ مارشل عاصم منیر کی تصویر لے آئیں جس کے بعد بد مزگی پیدا ہوئی اور اجلاس ملتوی کردیا گیا۔

ڈپٹی اسپیکر ثریا بی بی اس اقدام پر برہم ہوئیں۔ انہوں نے لیگی رکن کو  مخاطب کرتے ہوئے کہا کہ آرام سے بیٹھ جائیں اور جان بوجھ کر ماحول خراب نہ کریں۔  آرمی چیف کو سیاست میں نہ لائیں،  یہ آپکے افسر نہیں بلکہ  فوج کے سربراہ ہیں۔ آپ اپنی کارکردگی پر بات کریں۔

جی ٹی وی کے مطابق صورتحال بگڑنے پر صوبیہ شاہد نے فیلڈ مارشل کے حق میں نعرے بازی شروع کردی۔   جس کے بعد ایوان میں بدمزگی بڑھ گئی۔ اسی تناؤ کے باعث ڈپٹی اسپیکر نے اجلاس 15 دسمبر تک ملتوی کردیا۔