سمندرمیں ہزاروں سال سے ڈوبے فرانسیسی شہرکی فصیل دریافت

فرانسیسی سمندری آثار قدیمہ کے ماہرین نے برٹنی کے ساحل پر ایک بڑی زیر سمندر دیوار دریافت کی ہے جو تقریباً 5000 قبل مسیح پرانی ہے۔ان کے خیال میں اس دیوارکاتعلق پتھر کے زمانے سے ہو سکتا ہے جس میں ایک شہرکا سمندرکے نیچے غائب ہو جانے کے متعلق ایک ڈوبے ہوئے شہر کی مقامی کہانی چلی آرہی ہے۔

ماہرین آثار قدیمہ کا خیال ہے کہ 120 میٹر (394 فٹ) دیوار اب تک فرانس میں پائی جانے والی سب سے بڑی زیر آب تعمیر ہےیہ یا تو مچھلی کا جال تھی یا سمندر کی بڑھتی ہوئی سطح سے تحفظ کے لیے فصیل تھی۔

جب اسے برٹنی کے مغربی سرے پر بنایا گیا تھا، تو یہ دیوار ساحل پرمدوجزرکے نشانوں کے درمیان بنی ہوگی۔ آج یہ نو میٹر پانی کے نیچے ہے کیونکہ یہ جزیرہ سکڑ کر اپنے گذشتہ سائز کا ایک حصہ رہ گیا ہے۔

دیوار اوسطاً 20 میٹر چوڑی اور دو میٹر اونچی ہے۔ باقاعدگی سے خاص وقفوں پر غوطہ خوروں کو بڑے گرینائٹ کےستونوں جیسے کھڑے پتھر ملے جودو متوازی لائنوں میں دیوار کے اوپر پھیلے ہوئے تھے۔خیال کیا جاتا ہے کہ یہ اصل میں چٹانوں پر رکھے گئے تھے اور پھر سلیبوں اور چھوٹے پتھروں سے ان کے گرد دیوار بنائی گئی تھی۔3ہزار300ٹن مجموعی وزن کے ساتھ، دیوار ایک خاصی آباد کمیونٹی کا کام ہوگا اور 7 ہزارسال تک رہنے کے لیے، یہ واضح طور پر ایک انتہائی ٹھوس ڈھانچہ تھا۔

اسےشکاریوں کے ایک انتہائی منظم معاشرے کی طرف سے بنایا گیا تھا۔ یا اسے پتھرکے دورکی آبادیوں میں سے ایک نے بنایا تھا جو5 ہزارسال قبل مسیح کے قریب یہاں پہنچی تھی۔
مقامی ماہر ارضیات کی جانب سے جدید ترین ریڈار ٹیکنالوجی کا استعمال کرتے ہوئے زیر سمندر گہرائی کے چارٹس کا مطالعہ کرنے کے بعد یہ دیوار دریافت ہوئی۔ انہوں نے میڈیا کو بتایا کہ میں نے دیکھا کہ 120 میٹر لمبی لائن ایک زیر سمندر وادی کو روکے ہوئےہے،یہ قدرتی نہیں ہو سکتا۔

بین الاقوامی جرنل آف ناٹیکل آرکیالوجی کے ایک مقالے میں، مصنفین کا قیاس ہے کہ اس طرح کی سائٹیں ڈوبے ہوئے شہروں کے اساطیری قصوں کی اصل ہو سکتی ہیں۔ ایسے ہی ایک گمشدہ شہروائی ایس کے بارے میں خیال کیا جاتا ہے کہ وہ مشرق میں صرف چند کلومیٹر کے فاصلے پر خلیج ڈوارنیز میں واقع ہے۔

اخبار کا کہنا ہے کہ یہ امکان ہے کہ ایک انتہائی منظم معاشرے کے ذریعہ تیار کردہ علاقے کو ترک کرنا لوگوں کی یادوں میں گہرائی تک اتر گیا ہو۔سطح سمندر میں تیزی سے اضافےسے غقابی کے بعد ماہی گیری کے ڈھانچے، حفاظتی کاموں، اور رہائش گاہوں کو چھوڑنے کا ایک دیرپا تاثر رہاہوگا۔