صدر نے گلگت بلتستان میں عام انتخابات 24 جنوری کو کرانے کی منظوری دیدی

اسلام ٓآباد: صدرآصف علی زرداری نے گلگت بلتستان میں 24 جنوری کو عام انتخابات کرانے کی منظوری دے دی۔

نجی ٹی وی کے مطابق چیف الیکشن کمشنر گلگت بلتستان راجہ شہباز خان نے آئین کے مطابق 60 دن کے اندر الیکشن کرانے کے لئے سفارشات صدر پاکستان کو بھجوائے تھے۔

صدر پاکستان نے 24 جنوری میں الیکشن منعقد کرانے کی حتمی منظوری دے دی۔

یاد رہے کہ گزشتہ ماہ گلگت بلتستان اسمبلی  پانچ سالہ آئینی مدت مکمل کرنے کے بعد تحلیل کر دی گئی تھی۔ جسٹس ریٹائرڈ یار محمد خان  کو نگران وزیر اعلیٰ مقرر کیا گیاتھا۔

زیر اعظم نے بطور چیئرمین جی بی کونسل  نگران وزیراعلیٰ جسٹس (ر) یار محمد ناصر کی تعیناتی منظوری دی ، کابینہ ڈویژن نے نگران وزیراعلیٰ کی تعیناتی کا نوٹیفکیشن جاری کیا۔

گلگت بلتستان اسمبلی کے انتخابات نگران حکومت کرائے گی ، گلگت بلتستان میں آئندہ انتخابات وفاقی الیکشن ایکٹ 2017 کے تحت منعقد کیے جائیں گے۔