بورےوالا اور گردونواح میں شدید دھند،حدِ نگاہ صفر،ٹریفک متاثر

بورےوالا اور اس کے اطراف میں شدید دھند چھا گئی ہے، جس کے باعث حدِ نگاہ تقریباً صفر ہو گئی اور شہریوں کو آمدورفت میں مشکلات کا سامنا ہے۔ دھند کی شدت کے باعث سردی میں اضافہ ہو گیا ہے اور کم سے کم درجہ حرارت 9 ڈگری سینٹی گریڈ ریکارڈ کیا گیا۔

موسمی حالات کی وجہ سے سڑکوں پر ٹریفک کی روانی متاثر ہو رہی ہے اور مسافروں کو سفر میں مشکلات پیش آ رہی ہیں۔ ٹریفک پولیس نے شہریوں سے کہا ہے کہ دوران سفر فوگ لائٹس کا استعمال کریں، ٹریفک اشاروں اور قوانین پر عمل کریں اور غیر ضروری سفر سے گریز کریں تاکہ کسی بھی ناخوشگوار واقعے سے بچا جا سکے۔