ایمان مزاری اور ہادی علی چٹھہ کے خلاف متنازع ٹویٹ کیس کی سماعت 17 دسمبر تک ملتوی

اسلام آباد: ڈسٹرکٹ اینڈ سیشن کورٹس نے ایمان مزاری اور ہادی علی چٹھہ کے خلاف متنازع ٹویٹ کیس کی سماعت 17 دسمبر تک ملتوی کر دی ہے۔

ایڈیشنل ڈسٹرکٹ اینڈ سیشن جج محمد افضل مجوکا نے کیس کی سماعت کی، جس دوران دونوں ملزمان عدالت میں پیش ہوئے۔ ہادی علی چٹھہ نے عدالت کو بتایا کہ سپریم کورٹ نے ہائی کورٹ میں زیر سماعت اپیل کے فیصلے تک حکم امتناع جاری کیا ہے۔

جج افضل مجوکا نے ریمارکس دیے کہ معاملے کو پرسوں کے لیے رکھ لیتے ہیں اور اس کے بعد دیکھیں گے کہ آرڈر کیا آتا ہے۔

عدالت نے کیس کی اگلی سماعت 17 دسمبر تک ملتوی کر دی، جس کے بعد آئندہ کارروائی کی جائے گی۔