رجب بٹ اور ندیم مبارک نے ضمانت کیلئے عدالت سے رجوع کرلیا

لاہور: یوٹیوبرز رجب بٹ اور ندیم مبارک نے آن لائن جوئے کی پروموشن کے مقدمے میں ضمانت کے لیے عدالت سے رجوع کر لیا۔

رجب بٹ اور ندیم مبارک نے لاہور کی سیشن کورٹ میں عبوری درخواستِ ضمانتیں دائر کیں۔ درخواستیں بیرسٹر میاں علی اشفاق کی وساطت سے پیش کی گئی ہیں۔

رجب بٹ نے ایک جبکہ ندیم مبارک نے این سی سی آئی اے کے دو مقدمات میں ضمانت کی درخواست دائر کی ہے۔ ندیم مبارک کا کہنا ہے کہ این سی سی آئی اے کے مقدمات درست نہیں ہیں۔

درخواست گزاروں نے عدالت سے استدعا کی ہے کہ تفتیش میں مکمل تعاون کے لیے تیار ہیں اور انہیں گرفتاری سے روکا جائے۔