اسرائیلی دہشت گرد قیادت نے یہودیوں کو غیر محفوظ بنا دیا،لیاقت بلوچ

نائب امیر جماعت اسلامی پاکستان لیاقت بلوچ نے کہا ہے کہ اسرائیلی دہشت گرد قیادت نے دنیا بھر میں یہودیوں کو غیر محفوظ کر دیا ہے۔

اپنے بیان میں انہوں نے آسٹریلیا میں یہودیوں کی تقریب پر ہونے والے دہشت گرد حملے کی شدید مذمت کی۔ لیاقت بلوچ نے کہا کہ 16 دسمبر کا دن دو قومی نظریہ کے دشمنوں اور ہندوستان کے آلہ کاروں کے لیے عبرت کا دن ہے، اور پاکستان و بنگلا دیش کے عوام مشترکہ دشمن ہندوستان کے عزائم سے آگاہ ہو چکے ہیں۔

انہوں نے مزید کہا کہ 21 دسمبر کو ملک بھر میں بااختیار بلدیاتی نظام کے لیے دھرنے ہوں گے اور اسلام آباد و صوبائی حکومتیں عوام سے مذاق بند کرکے بااختیار بلدیاتی نظام فراہم کریں۔

نائب امیر جماعت اسلامی پاکستان نے پیر عبدالرحیم نقشبندی اور پیر ذوالفقار احمد نقشبندی کے انتقال پر بھی تعزیت کا اظہار کیا۔