نیوکراچی:چائے کے ہوٹل پر فائرنگ،سیاسی کارکن جاں بحق

نیوکراچی میں چائے کے ہوٹل پر فائرنگ کے واقعے میں زخمی ہونے والا شخص دوران علاج دم توڑ گیا۔ پولیس کے مطابق جاں بحق شخص کی شناخت 40 سالہ حاجی شہزاد کے طور پر ہوئی، جو ایک سیاسی جماعت کا کارکن اور نیوکراچی یوسی 8 کے جوائنٹ انچارج تھے۔ ابتدائی تحقیقات سے واقعہ ٹارگٹڈ لگ رہا ہے۔

پولیس اور کرائم انٹیلی جنس یونٹ جائے وقوعہ پر پہنچ گئی، جبکہ موقع سے نائن ایم ایم پستول کے 4 خول بھی برآمد کیے گئے ہیں۔ ایم کیو ایم کے ترجمان نے وزیراعلیٰ، وزیرداخلہ، ڈی جی رینجرز اور آئی جی سندھ سے ملزمان کی فوری گرفتاری کا مطالبہ کیا۔

مقتول کے دوست کے مطابق تین موٹر سائیکلوں پر سوار نقاب پوش افراد نے اندھا دھند فائرنگ کی، اور حاجی شہزاد چار بچوں کے والد تھے اور کسی سے دشمنی نہیں رکھتے تھے۔

دوسری جانب اتحاد ٹاؤن میں ڈکیتی کی مزاحمت کے دوران فائرنگ سے ایک نوجوان بھی جاں بحق ہوگیا۔