صدرِزرداری نےاہم قانون سازی کی منظوری دے دی

صدرِ مملکت آصف علی زرداری نے وزیراعظم شہباز شریف کے مشورے پر اہم قانون سازی کی منظوری دے دی ہے۔

ایوانِ صدر کی جانب سے جاری پریس ریلیز کے مطابق صدر زرداری نے قانونِ شہادت (ترمیمی) بل، 2025 کی منظوری دی ہے۔ اسی طرح انہوں نے کنگ حمد یونیورسٹی آف نرسنگ اینڈ ایسوسی ایٹڈ میڈیکل سائنسز بل، 2025 اور نیشنل کمیشن فار مائنورٹیز رائٹس بل، 2025 کی بھی توثیق کی۔

اس کے علاوہ، صدر مملکت نے دانش اسکولز اتھارٹی بل، 2025 کو صوبائی مشاورت کی ضرورت کے پیشِ نظر وزیرِ اعظم کو نظرِ ثانی کے لیے واپس بھجوا دیا۔ صدر زرداری نے کہا کہ صوبوں میں دانش اسکولز کے قیام کی صورت میں متعلقہ صوبائی حکومتوں سے پیشگی مشاورت ناگزیر ہے۔