کراچی: بھتہ خورگروہ کے سرغنہ کا بھائی اور 3 ساتھی گرفتار

کراچی: ایس آئی یو پولیس نے فیڈرل بی ایریامیں کارروائی کرتے ہوئے بھتہ خوری میں ملوث بھتہ خورگروہ کے سرغنہ صمد کاٹھاواڑی کے بھائی سمیت 4 ملزمان کو گرفتار کرکے ان کے قبضے سے بھتے میں استعمال ہونے والا موبائل فون اورسم برآمد کی گئی۔

ایس ایس پی ایس آئی یو ڈاکٹر عمران خان کے مطابق گرفتارملزمان کی شناخت شایان، مبشر، شفیع اورشاہد کے نام سے کی گئی ہے۔ گرفتار ملزم محمد شاہد بھتہ خورگروہ کا سرغنہ صمد کاٹھاواڑی کا بھائی ہے۔گرفتار ملزمان سے ابتدائی تفتیش کے دوران اہم انکشافات سامنے آگئے، گرفتار ملزمان کا گروہ تاجروں سے بھتے کی ریکوری کرتا تھا۔ ملزمان گروہ سرغنہ کے کہنے پر تاجروں پر فائرنگ کرتا تھا۔

اجروں کو بھتہ طلبی اوردھمکیوں سے بھرے فون کیئے جاتے تھے، ایس ایس پی کے مطابق گرفتارملزمان بھتے کے 2 مقدمے میں پولیس کومطلوب تھے، گرفتار ملزمان نے گزشتہ ماہ تاجرسے بھتے کا مطالبہ کیا تھا۔ واقعہ کا مقدمہ 23 نومبرکوسمن آباد تھانے میں درج کیا گیا۔