سکھر:بھینس چوری کی کوشش پر مزاحمت، فائرنگ سے 2 افراد جاں بحق

سکھر: روہڑی کے قریب گاؤں میں مبینہ بھینس چوری کی کوشش کے دوران مزاحمت پر فائرنگ سے 2 افراد جاں بحق اور ایک زخمی ہو گیا۔ اہلخانہ کے مطابق چور گھر میں داخل ہو کر بھینس لے جانے کی کوشش کر رہے تھے کہ مزاحمت پر فائرنگ کی اور فرار ہو گئے۔

ایس ایس پی اظہر مغل کے مطابق واقعے کے بعد پولیس نے علاقے میں سرچ آپریشن شروع کر دیا ہے۔ آپریشن کے دوران پولیس اور چوروں کے درمیان مقابلہ بھی ہوا، جس میں ایک چور ہلاک جبکہ 2 زخمی چور اب بھی علاقے میں چھپے ہوئے ہیں۔ پولیس نے زخمی چوروں کی گرفتاری کے لیے کارروائی تیز کر دی ہے۔