فی تولہ سونے کی قیمت میں 8 ہزار 500 روپے کااضافہ

ملک میں سونے کی قیمتوں میں اضافے کا رجحان برقرار ہے اور آج بھی سونے کی قیمت میں ہزاروں روپے کا نمایاں اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 8 ہزار 500 روپے اضافہ ہوا، جس کے بعد نئی قیمت 4 لاکھ 70 ہزار 862 روپے ہو گئی ہے۔

ایسوسی ایشن کے مطابق 10 گرام سونے کا بھاؤ 7 ہزار 288 روپے بڑھ کر 4 لاکھ 3 ہزار 688 روپے تک پہنچ گیا ہے۔ ملک کی تاریخ میں پہلی بار 10 گرام سونے کی قیمت 4 لاکھ روپے کی سطح عبور کر گئی ہے۔

عالمی مارکیٹ میں بھی سونے کی قیمت میں اضافہ دیکھنے میں آیا، جہاں فی اونس سونا 85 ڈالر بڑھ کر 4 ہزار 485 ڈالر پر ٹریڈ ہو رہا ہے۔

واضح رہے کہ گزشتہ روز بھی فی تولہ سونے کی قیمت میں 6 ہزار 200 روپے کا اضافہ ہوا تھا۔