کرک میں شہید پولیس اہلکاروں کی نمازِ جنازہ ادا، وزیر اعلیٰ کی شرکت

کرک:ضلع کرک میں شہید پولیس اہلکاروں کی نمازِ جنازہ ادا کر دی گئی،وزیر اعلیٰ خیبر پختونخوا محمد سہیل آفریدی  نے بھی شہید پولیس اہلکاروں کی نمازِ جنازہ میں شرکت کی۔ نماز جنازہ میں چیف سیکریٹری خیبر پختونخوا سمیت آئی جی پولیس بھی شریک ہوئے۔

اس موقع پر  وزیر اعلیٰ خیبر پختونخوا محمد سہیل آفریدی  نے کہاکہ پولیس شہدا کی قربانیاں قوم کے لیے باعثِ فخر ہیں، ان کا خون رائیگاں نہیں جائے گا۔

سہیل  خان آفریدی نے کہا کہ  صوبائی حکومت شہدا کے خاندانوں کو تنہا نہیں چھوڑے گی، ہر ممکن معاونت فراہم کی جائے گی۔

وزیر اعلیٰ نے شہدا کے بلند درجات اور لواحقین کے لیے صبرِ جمیل کی دعا کی۔