راولپنڈی:والد نے بیٹی اور اس کے مبینہ آشنا کو قتل کر دیا

راولپنڈی: والد نے غیرت کے نام پر بیٹی اور اس کے مبینہ آشنا کو قتل کر دیا

راولپنڈی کے تحصیل گوجرخان میں غیرت کے نام پر دہرے قتل کا واقعہ پیش آیا، جس میں ایک والد نے فائرنگ کرکے اپنی بیٹی اور اس کے مبینہ آشنا کو قتل کر دیا۔ ابتدائی اطلاعات کے مطابق مقتولین میں شنائل اور رحمان اللہ شامل ہیں، جبکہ فائرنگ کی زد میں آ کر ملزم کی اہلیہ بھی زخمی ہوئی۔

واقعے کی اطلاع ملتے ہی اے ایس پی گوجرخان دانیال کاظمی اور ایس ایچ او گوجرخان طیب ظہیر موقع پر پہنچے۔ پولیس نے جائے وقوع سے شواہد اکٹھے کیے اور لاشوں کو اسپتال منتقل کیا، جبکہ واقعے کی تحقیقات شروع کر دی گئی ہیں۔