لاہور:طالبہ کو ہراساں اور دست درازی کرنے والے ملزمان گرفتار

اسلام پورہ پولیس نے بروقت کارروائی کرتے ہوئے گلی سے گزرتی طالبہ کو ہراساں اور دست درازی کرنے والے ملزمان حسن اور عمر کو گرفتار کر لیا۔ ملزمان کی کارروائی کی سی سی ٹی وی فوٹیج بھی منظر عام پر آ گئی، جس میں وہ طالبہ کو ہراساں اور دست درازی کرتے ہوئے فرار ہوتے دکھائی دے رہے ہیں۔

ایس ایچ او اسلام پورہ فریاد اشرف نے فوری رسپانس کرتے ہوئے واقعے کی اطلاع ملتے ہی کارروائی کی۔ ایس پی سٹی بلال احمد کے مطابق سی سی ٹی وی کیمروں اور مزید تفتیش کے ذریعے ملزمان کو ٹریس کرکے گرفتار کیا گیا۔ پولیس ٹیم کو شاباش دی گئی جو واقعے میں ملوث ملزمان کو گرفتار کرنے میں کامیاب ہوئی۔

ایس پی سٹی نے کہا کہ خواتین کے ساتھ ہراسانی اور بدتمیزی کسی صورت برداشت نہیں کی جائے گی اور خواتین کے تحفظ کے لیے زیرو ٹالرنس پالیسی پر سختی سے عمل جاری ہے۔