محکمہ تعلیم سندھ نے اسکالرشپ کا اعلان کر دیا

محکمہ تعلیم سندھ نے آکسفورڈ یونیورسٹی کے لیے اسکالرشپ کا اعلان کر دیا ہے۔ یہ اسکالرشپ گریجویٹ، ماسٹرز، ایم فل اور پی ایچ ڈی کے امیدواروں کے لیے دستیاب ہوگی۔

ترجمان محکمہ تعلیم کے مطابق اسکالرشپ کے لیے امیدوار کا سندھ کا ڈومیسائل اور شناختی کارڈ لازمی ہوگا، اور امیدوار کا آکسفورڈ یونیورسٹی کے میرٹ اور انگریزی زبان میں مہارت پر پورا اترنا ضروری ہے۔

شارٹ لسٹ کیے گئے امیدواروں کو انٹرویو کے بعد فائنل کیا جائے گا۔ یہ اسکالرشپ بلاول بھٹو زرداری اور وزیراعلیٰ سندھ کے حالیہ آکسفورڈ دورے کے تناظر میں دی جا رہی ہے۔