کرسمس کیک کاٹنے کی تقریب۔لاہورکے کیتھڈرل چرچ میں قرآن کی تلاوت

پنجاب کے صوبائی دارالحکومت لاہورکے کیتھڈرل چرچ میں کرسمس کی تقریب کا آغاز قرآن اور بائبل کی تلاوت سے ہوا۔اس تقریب میں شرکت کے لیے وزیراعلی ٰ مریم نواز بھی چرچ پہنچیں۔ انہوں نے کرسچن رہنمائوں کے ہمراہ کرسمس کیک کاٹا-وزیراعلی ٰنے مسیحی خاندانوں میں کرسمس کیک تقسیم کئے-کینیرڈ کالج کی طالبہ نے وائلن پر قومی ترانے کی دھن پیش کی، مریم نواز شریف نے پاس بلا کر شاباش دی –

رنگا رنگ کرسمس تقریب بین المذہب ہم آہنگی کا شاندار نمونہ تھی،اس میں تمام مذاہب کے سرکردہ رہنما بھی شریک تھے۔امریکہ،برطانیہ اور دیگر ممالک کے سفارت کاروں نے بھی شرکت کی-کرسمس تقریب کا تلاوت قرآن مجید اور بائبل سے آغاز ہوا-کینیرڈ کالج کی طالبات نے خوبصورت روایتی کوائر پرفارمنس پیش کی،وزیر اعلی مریم نواز نے خود جاکر شاباش اور مبارکباد دی -پنجاب میں اقلیت دوست اقدامات پر خصوصی ڈاکومنٹری پیش کی گئی-بشپ الیگزینڈر جان ملک نے مریم نواز شریف کے عوام دوست اقدامات کو سراہا اورانہیںدختر پنجاب کا خطاب دیا- بشپ آف لاہور ندیم کامران نے وزیر اعلی مریم نواز اور دیگر شرکا کا شکریہ ادا کیا-

صوبائی وزیر رمیش سنگھ اروڑہ نے بھی تقریب سے خطاب کیا-اس موقع پر مریم نواز شریف نے فرزانہ،شمائلہ نصیر،دانیال مسیح اور طارق مسیح میںمائنارٹی کارڈتقسیم کئے-انہوں نے یونس،سجاول یوسف، جمشید،انتھونی اور کنول کوکرسمس گرانٹ کے چیک تقسیم کئے -وزیراعلیٰ ایک معمر خاتون شہناز بی بی کو ہاتھ پکڑ کر سٹیج پر لے آئیں