چاندی کی قیمت کو بھی پر لگ گئے

اسلام آباد: عالمی منڈی میں معاشی بے یقینی کے سبب چاندی کی قیمت تاریخ کی بلند ترین سطح پر پہنچ گئی ہے۔ چاندی پہلی بار 75 ڈالر فی اونس کی حد عبور کر گئی ہے، جبکہ سونا اور پلاٹینم کی قیمتیں بھی ریکارڈ سطح پر پہنچ چکی ہیں۔

عالمی منڈی میں چاندی کی قیمت میں 3.6 فیصد اضافہ ہوا اور یہ 74.52 ڈالر فی اونس پر پہنچ گئی۔ رواں سال چاندی کی مجموعی قیمت میں 158 فیصد اضافہ ریکارڈ کیا گیا ہے اور جون کے اختتام کے بعد چاندی کی قیمت تقریباً دوگنی ہو گئی ہے۔

ماہرین کے مطابق چاندی کی قیمت میں اضافے کی بڑی وجوہات میں اے آئی ڈیٹا سینٹرز، الیکٹرک گاڑیوں کی تیاری اور مہنگائی سے بچاؤ کے لیے سرمایہ کاری شامل ہیں۔

غیر ملکی خبر رساں ایجنسی کے مطابق اسپاٹ سونے کی قیمت 0.6 فیصد اضافے کے بعد 4505.03 ڈالر فی اونس ہو گئی ہے، جبکہ اس سے قبل سونے کی قیمت 4,530.60 ڈالر کی نئی بلند ترین سطح تک پہنچی تھی۔ پلاٹینم کی قیمتوں میں بھی اضافہ دیکھا گیا اور 2025 کے دوران اس کی قیمت میں تقریباً 158 فیصد اضافہ ریکارڈ کیا گیا۔ رواں سال سونے اور چاندی کی قیمتوں میں 1979 کے بعد سب سے بڑا اضافہ ہوا ہے۔