خواجہ آصف نے سہیل آفریدی کو کس بات دعوت دی ؟

وزیر دفاع خواجہ محمد آصف نے وزیر اعلیٰ خیبر پختونخوا سہیل آفریدی کو مل کر مذمت اور سدباب کرنے کی دعوت دیدی۔

سماجی رابطے کی ویب سائٹ پر جاری بیان میں خواجہ آصف نے کہا کہ سہیل آفریدی صاحب، آپ کی قیادت میں اسلام آباد پر حملہ ہوتا ہے اور بار بار ہوتا ہے۔

انہوں نے کہا کہ آپ کی پارٹی کی قیادت بشمول آپ پاکستان کی وحدت پر حملہ کرتے ہیں، آپ کے ورکر آپ کی قیادت کی آشیرباد سے سوشل میڈیا پر انتہائی گندی زبان استعمال کرتے ہیں۔

وزیر دفاع نے مزید کہا کہ اس وقت بھی آئینی عہدوں اور بین الصوبائی عزت خراب ہو رہی ہوتی ہے، آئیں سب مل کر اس کی مذمت اور سدباب کرتے ہیں۔

سہیل آفریدی صاحب جب آپکی قیادت میں وفاقی دارالحکومت پہ حملہ ھوتا ھے اور بار بار ھوتا ھے۔ جب آپکی پارٹی کی قیادت بشمول آپکے پاکستان کی وحدت پہ حملہ کرتے ھیں آپکے ورکر آپکی قیادت کی آشیر باد سے انتہائ گندی زبان سوشل میڈیا پہ استعمال کرتے ھیں۔ اسوقت بھی آئینی عہدوں اور بین الصوبائ… pic.twitter.com/u30mwzaAK1

— Khawaja M. Asif (@KhawajaMAsif) December 29, 2025