پاک فضائیہ کا فضا سے داغا جانے والا کروز میزائل”تیمور”کا کامیاب تجربہ

اسلام آباد: پاک فضائیہ نے مقامی طور پر تیار کردہ کروز میزائل "تیمور” کا کامیاب فلائٹ ٹیسٹ مکمل کر لیا ہے۔ آئی ایس پی آر کے مطابق تیمور میزائل 600 کلومیٹر تک زمینی اور بحری اہداف کو نشانہ بنانے کی صلاحیت رکھتا ہے۔

تیمور کی کم بلندی پر پرواز کی صلاحیت اسے دشمن کے ائیر اور میزائل دفاعی نظام سے بچ کر موثر کارروائی کرنے کے قابل بناتی ہے۔ میزائل جدید نیویگیشن اور گائیڈنس سسٹم سے لیس ہے، جو اعلیٰ درستگی کو یقینی بناتا ہے۔

 

PAKISTAN AIR FORCE CONDUCTS SUCCESSFUL FLIGHT TEST OF TAIMOOR WEAPON SYSTEM

03 January, 2026: Pakistan Air Force has successfully conducted the flight test of the indigenously developed Taimoor Weapon System, marking another significant milestone in the advancement of national… pic.twitter.com/pRSQkXgOXb

— DGPR (AIR FORCE) (@DGPR_PAF) January 3, 2026

آئی ایس پی آر نے بتایا کہ تیمور میزائل کی کامیابی سے پاک فضائیہ کی روایتی دفاعی صلاحیت میں نمایاں اضافہ ہوا ہے اور یہ علاقائی سکیورٹی ماحول میں پاکستان کے دفاع کو مزید مضبوط بناتا ہے۔

فلائٹ ٹیسٹ کا مشاہدہ پاک افواج کے سینئر افسران اور سائنسدانوں نے کیا، جبکہ ائیر چیف مارشل ظہیر احمد بابر سدھو نے ٹیم کے سائنسدانوں اور انجینئرز کو کامیابی پر مبارکباد دی۔

تیمور میزائل کا کامیاب تجربہ قومی سلامتی کے اہداف اور تکنیکی خود کفالت کا ثبوت ہے۔