وزیراعلیٰ خیبرپختونخوا سہیل آفریدی کے ناقابل ضمانت وارنٹ گرفتاری جاری

اسلام آباد: ڈسٹرکٹ اینڈ سیشن کورٹس نے وزیراعلیٰ خیبرپختونخوا سہیل آفریدی کے ناقابل ضمانت وارنٹ گرفتاری جاری کر دیے ہیں۔

سماعت سینئر سول جج عباس شاہ کی عدالت میں ہوئی، جس میں سہیل آفریدی پر ریاستی اداروں کے خلاف گمراہ کن الزامات لگانے کے کیس کی سماعت کی گئی۔ عدالت نے وارنٹ جاری کرتے ہوئے حکم دیا کہ سہیل آفریدی کو گرفتار کرکے عدالت میں پیش کیا جائے۔

عدالت نے کیس کی مزید سماعت 17 جنوری تک ملتوی کر دی۔ واضح رہے کہ سہیل آفریدی کے خلاف پیکا ایکٹ کے تحت این سی سی آئی اے نے مقدمہ درج کر رکھا ہے۔