پنجاب میں دل کے علاج کی جدید تکنیک متعارف کرانے کا فیصلہ

پنجاب میں دل کے امراض کے علاج کے لیے انٹراویسکولر سرجری کی جدید تکنیک متعارف کرانے کا فیصلہ کیا گیا ہے۔ وزیراعلیٰ پنجاب مریم نواز شریف سے اوکلاہوما ہارٹ ہسپتال کے چیئرمین ڈاکٹر نعیم طاہرخیلی کی قیادت میں وفد نے ملاقات کی۔

ملاقات میں اس بات پر اتفاق ہوا کہ امریکی ماہر ڈاکٹرز مقامی معالجین کو جدید تکنیک کی تربیت فراہم کریں گے۔ بریفنگ میں بتایا گیا کہ انٹراویسکولر سرجری روایتی اوپن ہارٹ سرجری کے مقابلے میں زیادہ محفوظ اور جدید طریقۂ علاج ہے۔

وزیراعلیٰ نے جناح انسٹی ٹیوٹ آف کارڈیالوجی اور نواز شریف میڈیکل سٹی میں اس جدید علاج کے آغاز اور جدید طبی آلات کی خریداری کی ہدایت بھی جاری کی۔