وزیر دفاع کا بھارت میں انسانی اور مذہبی اقدار کی پامالی پر کڑا ردعمل

وزیرِ دفاع خواجہ محمد آصف نے کہا ہے کہ اگر مودی مزید کچھ عرصہ بھارت پر حکومت کرتا رہا تو ملک اندرونی انتشار کا شکار ہو جائے گا۔ نجی ٹی وی سے گفتگو میں انہوں نے کہا کہ مودی نے اپنی شہرت برقرار رکھنے کے لیے اقلیتوں کے خلاف کارروائیاں کی ہیں۔

خواجہ آصف کے مطابق بھارت میں مسلمانوں، عیسائیوں اور سکھوں کو نشانہ بنایا جا رہا ہے اور اقلیتوں کو ٹارگٹ کرنا ایک ریاستی پالیسی بن گئی ہے۔ انہوں نے کہا کہ مودی کو مذہبی اور انسانی اقدار کی پرواہ نہیں، اور گجرات میں بطور وزیراعلیٰ مسلمانوں کے خون سے اپنے ہاتھ رنگے۔

انہوں نے مزید کہا کہ جس حکمران کے سی وی میں ایسے ہولناک جرائم ہوں، پورا ہندوستان خطرے میں ہے۔ کرسمس کے موقع پر بھارت میں عیسائیوں کے ساتھ ناروا سلوک کیا گیا، جبکہ پاکستان میں حکومت کی سرپرستی میں تقریبات منعقد ہوئیں۔