لاہور میں 9مئی کے کیسز کی سماعت کرنے والے جج کو تبدیل کردیا گیا

لاہور:  انسداد دہشت گردی عدالت کے جج محمد ارشد جاوید کو ڈسٹرکٹ اینڈ سیشن جج بہاولنگر تعینات کر دیا گیا ہے۔

جج انسداد دہشت گردی عدالت کے جج محمد ارشد جاوید نے سانحہ نو مئی کے تین مقدمات میں پی ٹی آئی رہنماؤں اعجاز چوہدری اور ڈاکٹر یاسمین راشد کو سزائیں سنائی تھیں، جبکہ عمر سرفراز چیمہ، میاں محمود الرشید سمیت دیگر ملزمان کو بھی مختلف مقدمات میں سزائیں دی گئی تھیں۔

ادھر ڈسٹرکٹ اینڈ سیشن جج بہاولنگر آصف بشیر کو بھی تبدیل کر دیا گیا ہے۔ سیشن جج آصف بشیر کو سیشن کورٹ لاہور میں بطور او ایس ڈی تعینات کر دیا گیا ہے۔چیف جسٹس لاہور ہائی کورٹ کی منظوری کے بعد دونوں ججز کے تبادلوں کا نوٹیفکیشن جاری کر دیا گیا ہے۔ نوٹیفکیشن کے مطابق تبدیل ہونے والے دونوں سیشن ججز کو 9 جنوری تک نئی تعیناتی کا چارج سنبھالنے کی ہدایت کی گئی ہے۔