امریکا اگر انسانیت کا دوست ہے تو نیتن یاہو کو اغوا کرے ،خواجہ آصف

وزیر دفاع خواجہ محمد آصف نے کہا ہے کہ اگر امریکا انسانیت کا دوست ہے تو وہ نیتن یاہو کو اغوا کرے اور کسی عدالت میں مقدمہ چلائے۔

ایک  پروگرام  میں گفتگو کے دوران خواجہ آصف نے کہا کہ ہمارے جہاز بھارت سے جنگ ٹیسٹ ہوگئے، ہمیں اتنے آرڈر مل رہے ہیں کہ ہوسکتا ہے کہ 6 ماہ بعد آئی ایم ایف کی ضرورت نہ پڑے۔

خواجہ آصف نے کہا کہ ہم بھارت اور افغانستان سے جنگ کےلیے تیار ہیں، ہم نے مئی 2025ء میں ثابت کردیا تھا۔

انہوں نے کہا کہ بھارت کو شکست دے کر ہماری عزت میں اضافہ ہوا ہے، ہمارے جہاز ٹیسٹ ہوگئے، ہمیں اتنے آرڈر مل رہے ہیں ہوسکتا ہے 6 ماہ بعد آئی ایم ایف کی ضرورت نہ پڑے۔

وزیر دفاع نے مزید کہا کہ اگر امریکا انسانیت کا دوست ہے تو وہ نیتن یاہو کو اغوا کرے اور کسی عدالت میں مقدمہ چلائے، دعا کریں ترکیہ اسرائیلی وزیراعظم کو اغواء کرلے اور سارا حساب برابر کرلے۔