کراچی، 5 دن میں آوارہ کتوں نے 850 افراد کو کاٹ لیا

کراچی: سال 2026ء کے  ابتدائی 5 دنوں میں کتے کے کاٹنے کے 850 سے زائد کیسز رپورٹ ہوئے ہیں۔

انڈس اسپتال کورنگی میں کتے کے کاٹنے سے متاثرہ 41 سالہ شخص کی انگلی شدید انفیکشن کے باعث کاٹنا پڑ گئی۔

انڈس اسپتال کورنگی میں 5 دنوں میں 300 نئے ڈاگ بائٹ کیسز رپورٹ ہوئے ہیں جبکہ سول اور جناح اسپتال میں بھی کتے کے کاٹے کے 300 سے زائد کیسز سامنے آئے ہیں۔

بتایا جاتا ہے کہ ٹائون اور یوسیز کو آوارہ کتے مارنے کی اجازت نہیں  جس کی وجہ سے تعداد روز بروز بڑھ رہی ہے جبکہ اس حوالے سے جاری فنڈ کہاں جاتا ہے اس کی کھوج لگائی جائے۔

انچارج ڈاگ بائٹ کلینک ڈاکٹر آفتاب گوہر کے مطابق زیادہ کیسز کورنگی ، کورنگی سروے 145، حب چوکی، بلدیہ، لانڈھی اور گڈاپ سے رپورٹ ہوئے ہیں۔

انہوں نے خبردار کیا کہ ریبیز کی علامات ظاہر ہونے کے بعد یہ بیماری تقریباً ہمیشہ جان لیوا ثابت ہوتی ہے، شہریوں سے اپیل کی گئی ہے کہ کسی بھی ڈاگ بائٹ کی صورت میں فوراً طبی امداد اور ویکسین لگوائیں۔