عمران خان اور بشریٰ بی بی کی سینٹرل جیل میں ملاقات کروا دی گئی

راولپنڈی: سینٹرل جیل میں پابند سلاسل سابق وزیراعظم اور بانی تحریک انصاف (پی ٹی آئی) اور ان کی اہلیہ بشریٰ بی بی کی ملاقات کروائی گئی۔

ذرائع کے مطابق میاں بیوی تقریباً 45 منٹ تک اکٹھے رہے اور اس دوران ایک دوسرے کا حال احوال دریافت کیا۔

جیل حکام نے بتایا کہ گزشتہ منگل کو بھی دونوں کی ملاقات ہوئی تھی، تاہم بیرون جیل سے کسی عزیز، رشتہ دار یا پارٹی رہنما کو ملاقات کی اجازت نہیں دی گئی۔