قومی زبان اردو ہے، اگلی بار انگلش میں تقریر ہوئی تو غصہ آجائیگا، وزیراعلیٰ کے پی

پشاور:  وزیراعلیٰ خیبرپختونخوا محمد سہیل آفریدی  شہید بےنظیربھٹو ویمنز یونیورسٹی کی وائس چانسلر کی انگلش میں تقریر  پر برہم ہوگئے، آئندہ اردو میں تقریر کرنے کا حکم دے دیا۔

پشاور میں شہید بےنظیربھٹو ویمنز یونیورسٹی کے کانووکیشن سے خطاب کرتے ہوئے وزیراعلیٰ خیبرپختونخوا محمد سہیل آفریدی نے کہا کہ وائس چانسلر صاحبہ  نے انگریزی میں تقریر کی جو مجھے اچھی نہیں لگی۔

وزیراعلیٰ خیبرپختونخوا محمد سہیل آفریدی نے کہا کہ ہماری قومی زبان اردو ہے، اگلی دفعہ انگلش میں تقریر ہوئی تو مجھے غصہ آجائے گا۔  میں نے تمام یونیورسٹیوں کو اردو میں تقریر کرنے کی ہدایات دی ہیں۔

وائس چانسلر صاحبہ آپ نے انگریزی میں تققریر کی مجھے بلکل بھی اچھا نہیں لگا ۔۔۔۔۔ ہماری قومی زبان اردو ہے اردو میں تقریر کی جائے ۔ وزیر اعلی کے پی سہیل آفریدی کی وارننگ

ہال طلبا کی تالیوں اور اخوشی کی آوازوں سے گونج اٹھا pic.twitter.com/RBHIHphbHt

— BaqiR.kaXmi (@s_m_b_k_1) January 7, 2026

اس کے علاوہ امن و امان سے متعلق بات کرتے ہوئے وزیراعلیٰ خیبرپختونخوا سہیل آفریدی نے کہا کہ صوبے میں 14 ہزار سےزیادہ انٹیلی جنس بیسڈ آپریشنز ہوئے۔ آپریشنز سے دہشتگردی ختم نہیں ہوئی۔ قوم کو اعتماد میں لے کر آپریشنز کریں۔  آپریشنز شروع ہونے سے پہلے آفریدی قوم میں کوئی بھیک لینے والا نہیں تھا۔ ہم نے پاکستان کیلئے بار بار قربانیاں دی ہیں اور پھر بھی دیں گے۔