وزیراعظم شہباز شریف کوئٹہ پہنچ گئے،ترقیاتی منصوبوں کا اعلان متوقع

کوئٹہ: وزیراعظم شہباز شریف ایک روزہ دورے پر کوئٹہ پہنچ گئے ہیں، جہاں وہ بلوچستان کے لیے مختلف ترقیاتی منصوبوں کا اعلان اور افتتاح کریں گے۔

وزیراعظم کا کوئٹہ پہنچنے پر وزیراعلیٰ بلوچستان سرفراز احمد بگٹی نے ان کا استقبال کیا۔ دورے کے دوران وزیراعظم اعلیٰ سطح کے اجلاس کی صدارت کریں گے اور صوبے کی سیاسی قیادت سے ملاقاتیں بھی کریں گے۔

ذرائع کے مطابق وزیراعظم کوئٹہ میں دانش اسکول، نیشنل ہائی وے N-25 اور دیگر اہم ترقیاتی منصوبوں کا سنگ بنیاد رکھیں گے اور کئی دیگر منصوبوں کا افتتاح کریں گے، جس سے صوبے میں ترقی اور عوامی فلاح و بہبود کے منصوبوں کو تقویت ملے گی۔