واہ میں غیرت کے نام پر قتل کیس،مقتولہ کا والد اور2 چچابھی گرفتار

واہ کینٹ پولیس نے قطر پلٹ شادی شدہ خاتون کو قتل کرنے کے مقدمہ میں مقتولہ کے والد اور دو چچابھی گرفتار کرلیے۔قبل ازیں ایک مرکزی ملزم کو گرفتار کیا گیا تھا،جس کے انکشاف پر مزید 3 افراد کو حراست میں لیا گیاہے۔

پولیس کے مطابق مقتولہ کے دونوں چچاؤں نے خاتون کے خاوند کے ساتھ مل کر قتل کی منصوبہ بندی کی،جس کے تحت اسے پاکستان لایا گیا۔مقتولہ کے والد اور دونوں چچاؤں کے ایماپر خاتون کا قتل کیا گیا۔
واقعہ کا مقدمہ پولیس کی مدعیت میں درج کیا گیا ہے۔

ایس پوٹھوہار طلحہ ولی کا کہناہے کہ واقعہ میں ملوث دیگر ملزمان کی گرفتاری کے لیے ریڈ کیے جا رہے ہیں، زیر حراست افراد کو ٹھوس شواہد کے ساتھ چالان عدالت کیا جائے گا۔