عابدہ پروین کی وفات کی خبریں جھوٹی،بیٹی نے تصدیق کر دی

لاہور: معروف صوفی گلوکارہ عابدہ پروین کی وفات سے متعلق سوشل میڈیا پر گردش کرنے والی خبریں جھوٹی اور بے بنیاد ہیں۔

عابدہ پروین کی بیٹی نے ان افواہوں کو مسترد کرتے ہوئے کہا کہ ان کی والدہ بالکل خیریت سے ہیں اور صحت مند ہیں۔ بیٹی نے وضاحت کی کہ لاہور کے علاقے دلگران چوک میں ایک خاتون کا انتقال ہوا تھا جس کا نام بھی عابدہ پروین تھا، جس کی وجہ سے غلط فہمی پیدا ہوئی۔

انہوں نے عوام سے اپیل کی کہ وہ صرف مستند اور قابلِ اعتماد ذرائع سے معلومات حاصل کریں اور افواہوں پر یقین نہ کریں۔

خیال رہے کہ ان جھوٹی خبروں کی وجہ سے ملک بھر اور بیرونِ ملک موجود عابدہ پروین کے مداحوں میں شدید تشویش پائی گئی، اور خاندان نے عوام و میڈیا سے درخواست کی کہ فنکارہ اور ان کے اہلِ خانہ کی نجی زندگی کا احترام کیا جائے۔