کراچی:رینجرز کی کارروائی،راکھا گروپ کے 4 خطرناک ملزمان گرفتار

کراچی میں رینجرز نے ایک کارروائی کے دوران اسٹریٹ کرائم میں ملوث خطرناک ملزمان کو گرفتار کر لیا ہے۔ کارروائی گودھرا اور سیکٹر 11 جی کے علاقوں میں کی گئی۔

گرفتار ملزمان میں کاشف عرف راکھا، محمد الیاس، امیر حمزہ اور یاسین عرف ڈاڈا شامل ہیں۔ ملزمان کے قبضے سے 30 بور اور نائن ایم ایم پستول، میگزین، ایمونیشن اور نقدی برآمد کی گئی ہے۔

ذرائع کے مطابق راکھا گروپ نیو کراچی اور نارتھ کراچی کے علاقوں میں ڈکیتی اور موبائل چھیننے کے واقعات میں ملوث رہا ہے۔ ملزم محمد الیاس عادی مجرم ہے اور 2024 میں غیر قانونی اسلحہ کے کیس میں جیل جا چکا ہے۔

گرفتار ملزمان ایک منظم اسٹریٹ کرائم گینگ کے کارندے ہیں اور دیگر ساتھیوں کی گرفتاری کے لیے چھاپے جاری ہیں۔ پولیس نے ملزمان کو مزید کارروائی کے لیے اپنے حوالے کر دیا ہے۔

رینجرز نے عوام سے اپیل کی ہے کہ جرائم پیشہ عناصر کی اطلاع ہیلپ لائن 1101 یا مددگار واٹس ایپ پر فراہم کریں۔