11شہروں کادرجہ حرارت منفی1سے منفی 13۔گہری دھندمیں7موٹرویزبند

ملک بھرمیں شدید سردی کاراج ہے۔13 شہروں کا درجہ حرارت منفی میں چلاگیا، گہری دھندکے باعث 7 موٹرویزبندہوگئیں۔

گذشتہ رات، محکمہ موسمیات کے ڈیٹا سے پتاچلتاہے کہ مری میں درجہ حرارت منفی 1،بہاول پور 3، ڈی جی خان 4، ملتان صفر، چکوال صفر،فیصل آباد اور سرگودھا4، لاہور3،اٹک 2، راولپنڈی 2، جہل 3، ساہی وال 5 سینٹی گریڈ رہا۔کراچی میں 9، حیدرآباد7، سکھر5،ٹھٹھہ 9،موئن جودڑو3، دادو6،مٹھی3،اور نواب شاہ میں 5 ڈگری سینٹی گریڈریکارڈکیاگیا۔

چترال میں 3، دیر منفی 5،مالم جبہ منفی 2،سیدوشریف منفی 2،پشاوراوربنوں 1،ڈی آئی خان 2، اور ایبٹ آبادمیں منفی 1 رہا۔گلگت میں منفی 8،سکردو منفی 13، استورمنفی 11،اور ہنزہ منفی 8 ،راولاکوٹ منفی 4،جموں 4،گڑھی دوپٹہ صفر، مظفرآباد 3،،کوئٹہ منفی 3،گوادر 12، قلات منفی 6،تربت 11، جیوانی 9،سبی6، نوکنڈی 2۔

مزید پڑھیں: عوامی مطالبے پر پنجاب کے تعلیمی اداروں میں سرماکی چھٹیاں بڑھانے کا اعلان

یہ ڈیٹا صح ساڑھے 5بجے اپ ڈیٹ کیا گیاتھا۔

نصف شب کے بعد 7 موٹرویزکو گہری دھند کی وجہ سے بندکردیاگیا ۔نیشنل ہائی وے اینڈموٹروے پولیس کے مطابق ایم-1،پشاور سے صوابی ،ایم-2،ٹھوکر نیاز بیگ سے چکری تک،ایم-3،فیض پور سے درخانہ تک،ایم-4، پنڈی بھٹیاں سے شیر شاہ ،ایم-5،شیر شاہ سے روہڑی ،ایم-11، لاہور سے سمبڑیال ،اورایم-14انجرا سے عیسیٰ خیل تک بند ہے۔

محکمہ موسمیات کے مطابق ، آج اتوار کے روز ملک کے بیشتر علاقوں میں موسم سرد اور خشک ، پہاڑی علاقوں میں شدید سرد رہنے کا امکان ہے ۔ پنجاب، بالائی سندھ اور خیبرپختونخوا کے میدانی علاقوں میں درمیانی سے شدید دھند،خطہ ٔپوٹھوہار اور کشمیر میں صبح کے اوقات میں چند مقامات پر کہرا پڑنے کا امکان ظاہرکیا گیاہے۔