ای چالان جرمانوں میں عوام کو بڑا ریلیف ملنے کا امکان

سندھ حکومت نے ای چالان جرمانوں کی شرح نصف کرنے پر غور شروع کر دیا ہے۔ ذرائع کے مطابق موٹرسائیکل کے ای چالان جرمانے 5 ہزار روپے کے بجائے ڈھائی ہزار روپے کیے جا سکتے ہیں، جبکہ ہزار سی سی تک کی گاڑیوں کے ای چالان بھی نصف کیے جانے کا امکان ہے۔

حتمی فیصلہ وزیر داخلہ سندھ کی صدارت میں ہونے والے خصوصی کمیٹی اجلاس میں آئندہ ہفتے کیا جائے گا۔ اجلاس کی منظوری کے بعد نوٹیفیکیشن جاری کیا جائے گا۔

ای چالان سے متعلق سفارشات 23 دسمبر کو خصوصی کمیٹی کے اجلاس میں طلب کی گئی تھیں۔