پاکستان میں پیٹرولیم مصنوعات سستی ہونے کا امکان

پاکستان میں 16 جنوری سے پیٹرولیم مصنوعات کی قیمتوں میں کمی کا امکان ہے، جس کی وجہ عالمی منڈی میں خام تیل کی قیمتوں میں کمی بتائی جا رہی ہے۔

ذرائع کے مطابق 16 جنوری سے پیٹرول کی قیمت میں فی لیٹر 4 روپے 59 پیسے، ہائی اسپیڈ ڈیزل کی قیمت میں 2 روپے 70 پیسے،

مٹی کے تیل میں 1 روپے 82 پیسے اور لائٹ ڈیزل آئل میں 2 روپے 8 پیسے فی لیٹر کمی متوقع ہے۔

 

اوگرا نے قیمتوں میں ردوبدل کے لیے ورکنگ مکمل کر لی ہے اور 14 جنوری کو پیٹرولیم ڈویژن کو ارسال کرے گا۔

 

پیٹرولیم ڈویژن وزارت خزانہ سے مشاورت کے بعد قیمتوں میں کمی کا نوٹیفکیشن جاری کرے گا۔