پی ٹی آئی کا 8 فروری کو شٹرڈاؤن اور پہیہ جام ہڑتال کا اعلان

راولپنڈی: چیئرمین پی ٹی آئی بیرسٹر گوہر کا کہنا ہے ہم واضح الفاظ میں کہتے ہیں ٹی ٹی پی دہشتگرد جماعت ہے،   نیشنل ایکشن پلان کے تحت اس کے خلاف کارروائی ہونی چاہیے،   ہر وہ جماعت جسے حکومت اور ادارے دہشتگرد سمجھتے ہیں ہم انہیں دہشتگرد سمجھتے ہیں،  8 فروری کو شٹرڈاؤن اور پہیہ جام ہڑتال کا اعلان ہے، ہمارا احتجاج پرامن اورمہذب ہوگا، 8 فروری کو عوام رول آف لا اور اپنے حق کے لیے نکلیں گے۔

داہگل ناکے پر میڈیا سے گفتگو کرتے ہوئے کہا کہ  بہت افسوس کی بات ملاقاتیں نہیں ہو رہیں،  ہر ہفتے ہم آتے ہیں انتظار کر کے واپس چلے جاتے ہیں،  پتا نہیں ان کو کس نے پٹی پڑھائی ہے ملاقات نہ کرانا اچھا عمل ہے،  ملاقاتیں ہوں گی تو حالات میں بہتری ہو گی۔فروری 2025 سےپارٹی لیڈر شپ کی کوئی ملاقات بانی سےنہیں ہوئی،  عدالتی احکامات پر عملدرآمد ہونا چاہیےسسٹم ساکت نہیں ہونا چاہیے،  جتنا آپ روکیں گے اتنا عوام کی ہمدردیاں بانی سے بڑھیں گی،  سہیل آفریدی کے دورہ کراچی سے قبل سندھ حکومت کے رویے پر شکریہ ادا کیا تھا،  بدقسمتی سے سہیل آفریدی کے دورہ کراچی کے آخری دن رویہ  بدل گیا،   حیدر آباد سے واپسی پر سہیل آفریدی کا راستہ روکا گیا،  سندھ حکومت  نے پہلے جلسے کی اجازت دی پھر راستے روک دیئے، سہیل آفریدی جہاں جہاں گیا کوئی ایک گملا تک نہیں ٹوٹا،  عوام نے سہیل افریدی کا استقبال کیا اور اپنے جذبات کا اظہارکیا۔

ان کا کہناتھا کہ بانی اوربشریٰ بی بی کی فیملی کوکبھی بھی پارلیمانی پارٹی اجلاس میں ڈسکس نہیں کیا، پارلیمانی پارٹی اجلاس کا ایجنڈا پارلیمینٹ سے متعلق تھا، پارلیمانی پارٹی میں زیادہ تر گفتگو اپوزیشن لیڈر کے نوٹیفکیشن پر کی گئی، آئینی توازن ہرحال میں ہونا چاہیے دہشتگردی کے مسئلےپر سیاست نہیں ہونی چاہیے، دہشتگردی کے مسئلے پر نیشنل ایکشن پلان پر عمل ہونا چاہیے،دہشتگردی ناسور ہے دہشتگردوں سے متعلق کسی کے دل میں نرم گوشہ نہیں ہونا چاہیے، اپوزیشن لیڈر کا نوٹیفکیشن ہونا خوش آئند ہے اگست سے یہ نشست خالی ہے، ساری اپوزیشن کی جانب سے ایک ہی امیدوار محمود اچکزئی ہے، آج سارا پراسس مکمل ہوگیا امید ہے جمعرات تک نوٹیفکیشن آجائےگا، اپوزیشن لیڈرکا نوٹیفکیشن ہونا اعتماد سازی کی جانب اہم قدم ہوگا،  8 فروری کو شٹرڈاؤن اور پہیہ جام ہڑتال کا اعلان ہے، ہمارا احتجاج پرامن اورمہذب ہوگا۔

انہوں نے کہا کہ دہشتگردی کیخلاف متفقہ موقف ہے تمام اسٹیک ہولڈرز کو اعتماد میں لیا جائے،  9 مئی کا کوئی ایسا نہیں جس میں سہیل آفریدی نامزد ہوں،  سہیل آفریدی کی جوویڈیو سامنے آئی ہے اسکے متعلق واضح نہیں وہ کس جگہ کی ہے، پاکستان کے مفاد کے خلاف سرگرم تنظیمیں دہشتگردی کے زمرے میں آتی ہیں،  دہشتگردی کے خلاف کے پی اسمبلی کو آن بورڈ لینے کی ضرورت ہے، 8 فروری کو عوام رول اف لاء اوراپنے حق کے لیے نکلیں گے،  ایک ملاقات میں کیا مسئلہ ہےاگر ایس او پی کے تحت کرا دی جائے،  میں نے ہمیشہ کہا ہے مذاکرات ہوں سیاسی مسائل کا سیاسی حل ہو، میں نے ہمیشہ کہا مذاکرات ہوں حالات نارملائز ہوں۔