گیس کے سلنڈر کایہ رازجان لیں جوآپ کی زندگی بچاسکتاہے

 

محکمہ سول ڈیفنس نے عوام کی آگاہی کے لیے ایک پیغام جاری کیا ہے ۔ اس میں کہاگیاہے کہ اکثر لوگ یہ بات نہیں جانتے کہ گیس کے ہرسلنڈر پر اس کا اصل خالی وزن (Tare Weight) واضح طور پر لکھا ہوتا ہے۔ یہ وزن سلنڈر کی صرف لوہے کی باڈی کا ہوتا ہے، اس میں گیس شامل نہیں ہوتی۔

 

یہ بات کیوں اہم ہے؟
سردیوں میں جب گیس ختم ہو جاتی ہے تو سلنڈر کے اندر میل، نمی اور گیس کا کچرا رہ جاتا ہے۔ یہی کچرا وقت کے ساتھ جمع ہو کر سلنڈر کو بھاری کر دیتا ہے اور خطرناک بھی۔جب آپ سلنڈر تبدیل کرائیں تو یہ کام ضرور کریں کہ سلنڈر پر لکھا ہوا اصل وزن دیکھیں اورخالی سلنڈر ترازو پر تلوائیں۔ اگر خالی سلنڈر کا وزن، لکھے گئے اصل وزن سے زیادہ ہو تو سمجھ لیں کہ اس کے اندر کچرا موجود ہے ۔ایسے سلنڈر سے نہ صرف خطرہ بڑھ جاتا ہےبلکہ جب ری فلنگ ہوتی ہے تو آپ کو کم گیس ملتی ہے۔

 

محکمہ سول ڈیفنس کے مطابق یاد رکھیں:زیادہ وزن کا مطلب ہے اندر کچرا،کم گیس ،مالی نقصان اور خراب سلنڈر سے آپ کی زندگی کو خطر ہ ہے۔

 

ہر بار سلنڈر بدلتے وقت وزن چیک کریں۔مشکوک، بہت بھاری یا زنگ آلود سلنڈر واپس کر دیں۔ اپنی اور اپنے گھر والوں کی سلامتی کو ترجیح دیں۔تھوڑی سی توجہ، بڑے نقصان سے بچا سکتی ہے۔