چار سدہ،گیس سلنڈر پھٹنے سے دو بچےجاں بحق

چارسدہ کے تحصیل اتمانزئی کے علاقے طارق آباد میں ایک المناک حادثہ پیش آیا، جہاں گھر کے اندر گیس سلنڈر پھٹنے سے دو بچوں کی موت ہو گئی اور والد شدید زخمی ہو گیا۔

ریسکیو 1122 کے مطابق واقعہ ابراہیم نامی شخص کے گھر میں پیش آیا۔ اطلاع ملتے ہی ڈسٹرکٹ ایمرجنسی آفیسر غیور مشتاق خان کی ہدایت پر ریسکیو 1122 کی ایمبولینس اور فائر گاڑی فوری طور پر جائے حادثہ پر روانہ کی گئیں۔

حادثے کے نتیجے میں والد ابراہیم شدید زخمی ہوئے، جبکہ ان کے بیٹے اور بیٹی موقع پر ہی جاں بحق ہو گئے۔ ریسکیو اہلکاروں نے زخمی کو فوری طبی امداد کے لیے اسپتال منتقل کر دیا۔