عشرت فاطمہ پاکستان ٹیلی ویژن کی پہچان ہیں ، عطا اللہ تارڑ

وفاقی وزیر اطلاعات و نشریات عطا اللہ تارڑ نے کہا ہے کہ عشرت فاطمہ کی نیوز کاسٹنگ اور براڈکاسٹنگ سروسز کے حوالے سے ایک پہچان ہے۔

سینئر براڈ کاسٹر عشرت فاطمہ کے گھر آمد کے موقع پر عطاء اللہ تارڑ نے کہاکہ عشرت فاطمہ نے اپنے 45 سالہ کیریئر میں ملک کے لئے خدمات سر انجام دیں،پاکستان کا بچہ بچہ ان کو جانتا ہے۔

عطا اللہ تارڑ نے کہاکہ عشرت فاطمہ پاکستان ٹیلی ویژن کی پہچان ہیں،ان سے درخواست کی ہے کہ بطور مینٹور پاکستان ٹیلی ویژن آئیں۔

عشرت فاطمہ کے آنسو رائیگاں نہ گئے
وزیر اطلاعات عطاتارڑ گھر پہنچ گئے pic.twitter.com/6e21JChWrD

— Daily Ummat (@ummatdigitalpk) January 15, 2026

وفاقی وزیر اطلاعات نے کہاکہ عشرت فاطمہ نے ہمیشہ پیشہ ورانہ انداز سے کام کیا،عشرت فاطمہ کا کبھی سیاست سے کوئی تعلق نہیں رہا،انہوں نے پروفیشنل طور پر اپنی پوری زندگی گزاری ہے۔

اس موقع پر عشرت فاطمہ نے کہ وزیر اطلاعات و نشریات کی جانب سے عزت افزائی کی مشکور ہوں، حوصلہ افزائی اور محبت کا اظہار ہمیشہ یاد رکھا جائے گا۔