چترال:برفباری کے باعث گاڑی دریائے مستوج میں گر گئی،1جاں بحق

چترال کے بالائی علاقوں اور لوئر چترال کے مختلف مقامات پر برفباری شروع ہو گئی ہے جس سے سردی کی شدت میں اضافہ ہو گیا ہے۔ گرم چشمہ، یارخون، چرون، بونی، مستوج، موڑ کہو اور تورکہو میں برفباری جاری ہے۔

کورارغ کے مقام پر برفباری کے دوران پھسلن کی وجہ سے پشاور سے آنے والی ہائی ایس گاڑی دریائے مستوج میں جا گری۔

حادثے میں ایک شخص جاں بحق اور 10 افراد زخمی ہو گئے۔ زخمیوں کو فوری طور پر ٹی ایچ کیو اسپتال بونی منتقل کیا گیا ہے جہاں ان کا علاج جاری ہے۔