تمام بین الاقوامی تنازعات کو پُرامن طریقے سے حل کرنا چاہیے۔پاکستان

 

اقوام متحدہ میں پاکستان کے مستقل مندوب عاصم افتخار نے مسئلہ فلسطین اور کشمیر کے پرامن اور قانونی طریقے سے حل کو نہایت ضروری قرار دیا ہے۔

اقوام متحدہ میں تنازعات کے حل اور ان سے بچاؤ کے بارے میں ہونے والے مباحثے سے خطاب کرتے ہوئے عاصم افتخار نے کہا کہ بدقسمتی سے آج تک فلسطین اور کشمیر کے مسائل کا کوئی حتمی حل نہیں نکالا جا سکا۔ انہوں نے تمام تنازعات کے سیاسی اور سفارتی ذرائع سے حل کرنے پر زور دیا۔

پاکستانی مندوب نے گزشتہ روز سلامتی کونسل کے اجلاس میں بھی خطاب کرتے ہوئے کہا تھا کہ تمام بین الاقوامی تنازعات کو پُرامن طریقے سے حل کرنا چاہیے۔

عاصم افتخار نے واضح کیا کہ پاکستان عالمی قوانین کے تحت تمام تنازعات کے پرامن حل پر یقین رکھتا ہے اور یہ عالمی برادری کی ذمہ داری ہے کہ وہ اس سلسلے میں اپنا کردار ادا کرے۔