جنید صفدر کے ولیمے میں فیلڈ مارشل کی بھی شرکت

لاہور: مسلم لیگ (ن)  کے سربراہ محمد نواز شریف کے نواسے اور وزیر اعلی پنجاب مریم نواز شریف کے صاحبزادے جنید صفدر کی دعوت ولیمہ کی تقریب لاہور میں منعقد ہوئی۔

رپورٹ کے مطابق جنید صفدر اور شانزے علی روحیل کے ولیمہ کی تقریب جاتی عمرہ فارمز پر منعقد ہوئی،  دعوت ولیمہ کی تقریب میں 800 مہمانوں کو مدعو کیا گیا۔

فیلڈمارشل کی جنید صفدر کی دعوتِ ولیمہ میں شرکت pic.twitter.com/8XXtBqDxhB

— Pervaiz Sandhila (@chsandhilaa) January 18, 2026

فیلڈ مارشل، چیف آف ڈیفنس فورسز، آرمی چیف سید عاصم منیر نے بھی جیند صفدر کے دعوت ولیمہ میں شرکت کی۔فیلڈ مارشل سابق وزیراعظم نواز شریف  اور وزیراعظم شہباز شریف کے ساتھ بیٹھے رہے، انہوں نے شریف خاندان کو شادی پر مبارک باد دی۔

جنید صفدر صاحب کی شادی میں شرکت، دولہا کو مبارکباد دی۔
اللہ پاک خوش و سلامت، آباد و شاد رکھے! آمین pic.twitter.com/mCF8pQKGam

— Rashid Hashmi (@RashidHashmis) January 18, 2026

شادی سے ہٹ کر مرکز نگاہ عاصم منیر کو سیاسی رہنماؤں نے بھارتی غرور خاک میں ملانے پر فیلڈ مارشل سید عاصم منیر کو مبارکبادیں گئیں۔

وزیراعلی مریم نواز کے صاحبزادے جنید صفدر کی دعوت ولیمہ میں 50 رکنی آرکسٹرا نے مختلف میوزیکل دھنوں سے حاضرین کو محفوظ کیا،  میوزیکل بینڈ کی کی سربراہی انٹرنیشنل میوزک ڈائریکٹر نجاد علی نے کی۔

ولیمہ کی تقریب pic.twitter.com/mtSgsGIlIt

— شبانہ شوکت (@Shabanashaukat4) January 18, 2026

جنید صفدر کے دعوت ولیمہ میں سیاست دانوں بزنس کمیونٹی سمیت انٹرنیشنل مہمانوں نے بھی شرکت کی، لاہور جاز انسمبل بینڈ نے ولیمے پر پرفارم کرنے کے لئے سات روز تک مسلسل ریہرسل کی۔

مسلم لیگ ن کے رہنما عابد شیر علی نے ایکس پر جاری اپنی ایک پوسٹ میں ولیمے کی تقریب کی تصاویر شیئر کرتے ہوئے لکھا کہ جنید صفدر کو شادی کی دل کی گہرائیوں سے مبارکباد۔ اللہ تعالیٰ ان کی ازدواجی زندگی کو محبت، اعتماد اور خوشیوں سے بھر دے۔

انہوں نے مزید کہا کہ یہ نیا سفر دونوں خاندانوں کے لیے خیر و برکت، سکون اور کامیابیوں کا باعث بنے۔ دعا ہے کہ اللہ رب العزت اس رشتے کو ہمیشہ قائم و دائم رکھے اور دونوں کو خوشحال و مطمئن زندگی عطا فرمائے۔