سندھ بلڈنگ کنٹرول اتھارٹی نے عارف علوی کا کلینک ڈی سیل کر دیا

کراچی: سندھ بلڈنگ کنٹرول اتھارٹی (ایس بی سی اے) نے سابق صدر مملکت عارف علوی کے ڈینٹل کلینک کو ڈی سیل کر دیا ہے۔

سندھ ہائی کورٹ کے آئینی بینچ نے کلینک سیل ہونے کے معاملے پر دائر توہین عدالت کی درخواست کی سماعت کی۔

دوران سماعت، بیرسٹر علی طاہر نے عدالت کو بتایا کہ ایس بی سی اے نے توہین عدالت کی درخواست دائر ہونے کے بعد کلینک ڈی سیل کر دیا ہے۔

بیرسٹر علی طاہر نے مزید کہا کہ کلینک کے ڈی سیل ہونے کے بعد وہ کیس میں مزید کارروائی نہیں چاہتے۔

عدالت نے درخواست گزار کے مؤقف کو ریکارڈ پر لے کر ڈی جی ایس بی سی اے اور دیگر کے خلاف دائر توہین عدالت کی درخواست واپس لینے کی بنیاد پر نمٹا دی۔