شعبان المعظم کا چاند دیکھنے کے لیے رویت ہلال کمیٹی کا اجلاس آج ہوگا

 

اسلام آباد: شعبان المعظم کا چاند دیکھنے کے لیے مرکزی رویت ہلال کمیٹی آج اجلاس کرے گی۔ اجلاس کی صدارت کمیٹی کے چیئرمین مولانا محمد عبدالخبیر آزاد کریں گے۔

کمیٹی ملک بھر سے موصول ہونے والی شہادتوں کو مدنظر رکھتے ہوئے چاند کی رویت کے حوالے سے اعلان کرے گی۔

ماہرین فلکیات کے مطابق یکم شعبان 21 جنوری 2026 کو ہونے کا امکان ہے، جبکہ 19 جنوری کو چاند نظر آنے کے امکانات کم ہیں۔

اسپارکو نے بھی پیش گوئی کی ہے کہ شعبان 1447 ہجری کا نیا چاند 19 جنوری کو رات 12 بج کر 52 منٹ پر پیدا ہوگا اور یکم شعبان 21 جنوری کو ہوگا۔