اسلام آباد:گیس سلنڈر کی دکان میں دھماکہ اور آتشزدگی، 5 افراد جھلس گئے

اسلام آباد: وفاقی دارالحکومت  میں کورال کے علاقے شریف آباد میں گیس سلنڈر کی دکان میں دھماکے سے آگ لگ گئی۔

ریسکیو حکام کے مطابق امدادی ٹیمیں جائے وقوعہ پر پہنچنے کے بعد امدادی کارروائیوں میں مصروف ہیں۔ ابتدائی اطلاعات کے مطابق دھماکے کی وجہ گیس لیکیج بتائی جارہی ہے، دھماکے کے بعد دکان میں موجود سلنڈرز نے آگ پکڑ لی تھی۔جس پر قابو پالیا گیا ہے۔

ڈی سی عرفان میمن نے کہا ہے کہ  آتشزدگی واقعہ میں 5 افراد جھلس کر زخمی ہوگئے، جنہیں اسپتال منتقل کردیا گیا ہے۔ آگ لگنے کی وجوہات کا تعین کیا جا رہا ہے، بظاہر آگ سلنڈر بھرنے کے دوران لگی۔متعلقہ حکام کو ایسی تمام دکانوں کے خلاف کارروائی کی ہدایت کی ہے۔